24.9 C
Mogadishu
Friday, September 18, 2020

    Taliyaha difaaca Ciidanka Kenya oo Muqdisho Soo gaaray

    Taliyaha Ciidanka Difaaca Kenya oo booqasho qarsoodi ahayd ku tagay Kudhaa

    0

    Taliyaha Guud ee Ciidanka Difaaca Kenya, Samson Mwathethe, ayaa booqasho aan la sii shaacin waxaa uu ku tagay Taliska Ciidanka Mareykanka ee Gobolka Jubada hoose.

    Samson Mwathethe, ayaa Ciidamada Kenya ee uu ku booqday Saldhigga Kudhaa ee Degmada Badhaadhe ugu hambalyeeyay sanadkan cusub.

    Waxaa uu sidoo kale sheegay in uu salaan uga sido Madaxweynaha Kenya Uhuru Kenyatta, isaga oo bogaadiyay geesinimada Ciidamada Kenya ee dagaalka kula jira AL-shabaab.

    Mr Samson, ayaa qiray in intii Ciidanka Kenya ay ka dagaallamayeen Soomaaliya ay la kulmeen laba dagaal oo uu khasaare xoog leh ka soo gaaray kuwaas oo kala ah Ceel Cadde iyo Kulbiyow, hayeeshee ay guulo wax ku ool ah ka gaareen dagaalka ka dhanka ah AL-shabaab.

    “lama idin hilmaamin, waxaad tihiin geesiyaasha dalka, waxaad halkan u joogtaan amniga Soomaaliya oo la mid ah amniga Kenya, marka aad Soomaaliya ku soo celisaan amniga ayey Kenya amni noqoneysaa” ayuu yiri Jeneraal Samson Mwathethe.

    Taliye Samson Mwathethe ayaa ku faanay in Ciidanka kenya ee jooga Soomaaliya ay hub carsi ah iyo saad ku filan ka helaan dowladdooda Kenya kuna bogaadineyso dadaalka ay uga jiraan in ka adkaadaan Al-shabaab.

    Taliyaha Ciidanka Badda ee Dalka Kenya oo ka mid ahaa Taliyayaashii la socday Samson Mwathethe ayaa sheegay in iyaguna ay dhinaca Badda ka caawinayaan Ciidanka Kenya ee ka dagaallamaya gudaha Soomaaliya.

    LEAVE A REPLY

    Please enter your comment!
    Please enter your name here

    Open chat
    Hello. Maxaan kaa caawinaa?
    Powered by
    %d bloggers like this:

    By continuing to use the site, you agree to the use of cookies. more information

    The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

    Close