Ciidamada Kumaandooska Soomaaliya ayaa xoog kula wareegay gacan ku haynta Deegaanka Tooratoorow

    Ciidanka sida gaarka ah u tababaran ee Kumaandooska Danab ee CXDS ayaa maanta la wareegay gacan ku heynta deegaanka Tooratoorow ee Gobolka Shabeellaha Hoose, halkaasoo aheyd xaruntii ugu weyneyd7 Al-Shabaab.

    Saraakiil ka tirsan ciidanka xoogga dalka ayaa sheegay inay la wareegeen deegaankaas oo ay si buuxda gacanta ugu hayaan Ciidanka Danab.

    Deegaanka Tooratoorow wuxuu ahaa deegaan istiraatiiji u ahaa Al-Shabaab, waxaa halkaas ku yaallay Maxkamad lagu qaado dacwadaha, sidoo kale waxaa deegaankaas looga yeeri jiray ganacsadaha iyo dadka isku heysta dacwadaha kala duwan sida dhulalka

    Muddooyinkii u dambeeyay waxaa deegaankaas la sheegay in lagu uruuriyay lacagaha canshuuraha ee Al-Shabaab ka qaadaan ganacsatada.

    Deegaanka Tooratoorow ayaa dhowr jeer oo hore la wareegeen ciidanka dowladda, balse waa ay isaga soo baxayeen, balse labadii sano ee la soo dhaafay Al-Shabaab ayaa si buuxda u maamulayay deegaankan.

    Sanadkii la soo dhaafay Ciidanka xoogga dalka ayaa la wareegay deegaano ka tirsan Gobolka Shabeellaha Hoose.

    LEAVE A REPLY

    Please enter your comment!
    Please enter your name here