Jaamacada Carabta oo ka hortimid qorshaha Trump ee Bariga dhexe

    Jaamacadda Carabta oo Ka Hor Timid Qorshihii Maraykanku Ugu Yeeray Qorshaha Nabadda Bariga Dhexe.

    Kulan degdeg ah oo yeesheen wasiirada arrimaha dibadda Jaamacadda Carabta kaasoo ka dhacay Magaalada Qaahira ee dalka Masar oo uu goobjoog ka ahaa Madaxweynaha Falastiin Maxamuud Cabaas Abuu maasin oo dhowaan ku dhawaaqay in Dawladda Falastiin ay go’aansatay inay xiriirka u jarto Mareykanka iyo Israel ayaa laga soo saaray bayaan.

    Dhamaan dalalka ku midaysan Jaamacadda Carabta waxay sidoo kale sheegeen in qorshahan uusan aheyn mid horseedi kara heshiis nabadeed oo ka hirgala Bariga dhexe iyo dhulka Falastiin.

    Axmed Abul Qayd xoghayaha guud ee ururka Jaamacadda Carabta ayaa soo jeediyay bayaankii ay shirkooda kasoo saareen waxaana uu yiri “Falastiiniyiintu way diidan yihiin xaaladda hada jirta iyo qorshaha Maraykanka, sababta oo ah maaha mid buuxinaysa himilooyinkooda oo dhab ah, wadamada Carabtuna ma aqbalayaan qorshahaas”

    LEAVE A REPLY

    Please enter your comment!
    Please enter your name here