Dowlada Soomaaliya oo soo dhaweeysay baaq aysoo saareen ururka jaamacada Carabta

    Dowladda Federaalka Soomaaliya ayaa soo dhaweysay baaq ka soo yeeray wadamada isbaheysiga carbeed, kaasi oo ku aadan mid lagu taageerayo xabad-joojin ka dhaqan-gasha dalka Yemen muddo labo todobaad.

    War-saxaafadeed ku qoran Luuqada Carabiga oo kasoo baxay Wasaaradda Arrimaha Dibadda Soomaaliya ayaa waxaa dhamaan  dhinacyada isku haaya dalka Yemen loogu baaqay inay xoojiyaan wadahadalka si loo abuuro deganaansho.

    Hoos ka Akhriso Qoraalka kasoo baxay dowladda Soomaaliya.

    Jamhuuriyadda Federaalka Soomaaliya waxa ay soo dhoweynaysaa baaqa ka soo yeeray wadamada isbaheysiga carbeed ee taageera Xukuumadda sharciga ah ee Yemen ee ku dhawaaqay xabad-joojin ka dhaqan-gasha dalka Yemen muddo labo todobaad oo ka bilaabmaysay 9 April, waxa ayna ugu baaqaysaa dhammaan dhinacyada Yemen in ay xoojiyaan wadahadalka si loo abuuro deganaansho, lana xaliyo arrimaha khilaafka keenay si soo afjari karta loolanka siyaasadeed iyo midka nabadgelyo.

    Xukuumadda Jamhuuriyadda Federaalka Soomaaliya waxa ay carabaabaysaa taageerradeeda dhammaystiran ee dadaalka Qaramada Midoobey iyo hindisayaasha uu Golaha Ammaanka ka horjeediyay Xoghayaha guud ee Qaramada Midoobey Mudane António Guterres, waxa ayna xaqiijinaysaa garab istaaggeeda howsha Ergeyga Qaramada Midoobey ee Yemen si loo gaaro xal siyaasadeed oo loo dhanyahay oo ka guul keena nabadda iyo xasiloonida Jamhuuriyadda aanu walaalaha nahay ee Yemen.

    LEAVE A REPLY

    Please enter your comment!
    Please enter your name here