Wasiiru Dowlaha Wasaarada Cadaalada Hirshabeelle oo ugeeriyooday caabuqa Coronavirus COVID-19

    Wasiiru dowlihii Cadaaladda Hirshabeelle Xildhibaan Khaliif Muumin ayaa goor dhow u geeriyooday cudurka Coronavirus oo maalmihii la soo dhaafay u xanuunsanayay.

    Mas’uuliyiin ka tirsan Maamulka Hirshabeelle oo uu ku jiro Wasiirka Amniga Hirshabeelle ayaa xaqiijiyay geerida Wasiiru dowlaha Cadaaladda oo sidoo kale ahaa Xildhibaan ka tirsan Baarlamaanka Hirshabeelle

    Xildhibaanka ayaa todobaadkii hore loo soo qaaday magaalada Muqdisho, isaga ku xanuunsanayay magaalada Jowhar, waxaana xilligaas looga shakisanaa xanuunka Coronavirus oo lagu arkay calaamado ka mid ah.

    Wasaaradda Caafimaadka ayaa jimcihii caddeysay in laga helay cudurka Coronavirus 9 ruux oo uu ku jiro Mas’uulkan ka tirsan Maamulka Hirshabeelle.

    Inkastoo aanan weli war rasmi ah ka soo bixin Wasaaradda Caafimaadka oo ku aadan geerida Xildhibaankan, hadana waxaa uu noqonayaa mas’uulkii u horeeyay oo ka tirsanaa mid ka mid ah maamul goboleedyada oo u dhinta cudurkan.

    LEAVE A REPLY

    Please enter your comment!
    Please enter your name here