Shabaab oo muwadiniin Kenyan ah kasoo qafaashay nawaaxiga gaarisa

Baaritaan lagu raadinayo labo ruux oo la rumeysan yahay inay afduub u geysteen rag loo maleynayo al-Shabaab ayaa ka socda nawaaxiga magaalada Gaarisa ee gobolka Woqooyi bari Kenya.

Abdullahi Isack Harun iyo Abdi Hassan Ilkacase ayaa lagu kala sheegay magacyada ragga la afduubtay sida laga soo xigtay saraakiil ka tirsan Booliska.

“Raggan waxay doonyo ku aadeen Liboi laakiin markii ay soo gaareen Wardeglo Dam, ayaa waxaa weerar ku soo qaaday rag loo maleynayo inay ka tirsan yihiin Al-Shabaab, waxaana loo malaynaya loo soo kaxeeyay Soomaaliya” ayuu yiri sarkaal ka tirsan Booliska oo saxaafada la hadlay.

Dhacdadan ayaa ku soo aaday xili dhawaan Al-Shabaab ay weerar ku qaadeen dad la sheegay inay Kenyan ahaayeen, kuwaasoo ku sugnaa deegaan lagu magacaabo Harbuul 50-Km u jira Magaalada Gaariga.